السلام عليكم ورحمه الله وبركاته النهارده ان شاء الله هنعرف مع بعض ازاى نزود انتاج الحمام وعصافير الزينة بخطوات بسيطه وسهله علشان نوصل لاعلى معدل من انتاج الحمام والعصافير ويكون الاوضه بتاعتنا كلها بيض وزغاليل ومافيش حمام ولا عصافير قاطعه بيض نهائى
اولا لازم نعرف سن الحمام بتاعنا كبير ومعدى ال6 شهور ولا لا وكمان لازم نعرف ونتأكد انهم ذكر وانثي والعصافير كمان نفس الكلام بعد كدا هنمشي معاهم بشويه ادوية وفيتامينات بسيطه جدا هتخلي الحمام ينتج ويبيض كتير ويبقى زى الفل .
اولا فيتامين ه سيلينيوم
فيتامين ه سيلينيوم بيطرى مستورد اهم علاج لخصوبه الحمام والعصافير ومنشط للحيوانات المنويه لذكور الحمام والعصافير نستخدمه 5 ايام للحمام والعصافير بواقع 1 سنتى لكل لتر ماء .
ثانيا فيتامين أ د 3 ه بيطرى
فيتامين أ د 3 ه بيطرى هو مجموعه فيتامينات مهمه جدا للحمام واناث الحمام لانه بيقوى عنقود الحمام داخل الانثي ومنشط لبويضات انثي الحمام والعصافير ويمد الحمام بعناصر غذائيه مفيده طريقه الاستخدام 1 سنتى لكل لتر ماء 5 ايام للحمام والعصافير .
ثالثا ديكال ب 12 بشرى
ديكال ب 12 بشرى هو دواء بشرى مكمل غذائى للحمام وكالسيوم للحمام والعصافير وبيقوى قشره البيضه ويساعد اناث الحمام والعصافير على تكوين قشره بيضه وبيضه قوية وسميكه طريقه الاستخدام نضع 4 ستى لكل لتر ماء 5ايام للحمام والعصافير .
رابعا فيدروب شراب بشرى
دواء فيدروب شراب بشرى مهم جدا لصحه الزغاليل بعد الفس لانه مقوى للين العظام ويقوى ريش الزغاليل ويجعله لامع ويمد الزغاليل بالكالسيوم طريقه الاستخدام اعطاء 5 نقط من فيدروب فى فم الزغاليل 3 ايام اسبوعيا حتى الفطام .
خامسا يجب اعطاء الحمام اكل متوازن الى هى الكلفه المتوازنه والى فيها عناصر غذائيه وكذالك العصافير لازم نحطلهم اكل حبوب متنوعه وكمان نهتم بالاكل الطرى والبيض بالبقسماط مره اسبوعيا على الاقل والخضراوات مره اسبوعيا .
وبكده ان شاء الله هنكون هيئنا الحمام والعصافير بتاعتنا على انتاج بيض غزير وزغاليل كتير ارجو المقاله تنال اعجابكم والى اللقاء فى مقاله جديده بعنوان جديد .
تعليقات
إرسال تعليق