السلام عليكم ورحمه الله وبركاته ان شاء الله هنتعرف مع بعض النهارده على صيدلية الغاوى كل غاوى مننا بيربى حمام او عصافير زينة لازم يكون عنده صيدلية فى بيته تشمل العلاجات والفيتامينات وكل شئ يخص الحمام والعصافير وفى هذه المقاله سوف نتعرف على الصيدلية الخاصة بى لصحه حمام وعصافير زينه افضل ولتربية بلا امراض .
اولا دواء بشرى فيدروب شراب نقط
ده دواء به كالسيوم لعلاج لين العظام وتقوية حجم الزغاليل وامداد الحمام والعصافير بالكالسوم اللازك لهم وهذه صوره الدواء وسعره 10 جنيه مصرى .
ثانيا دواء كولى بريم اردنى بيطرى
ده مضاد حيوى لمرض السلامونيلا بأنوعها وللامراض المعوية ويعتبر اقوى مضاد حيوى على الاطلاق يستخدمه مربيين الحمام وعصافير الزينة ولا غنى عنه بالغية ودى صوره الدواء وسعره 85 جنيه مصرى .
ثالثا دواء هيباتيكم شراب بشرى .
وده دواء يستخدم كمنشط كبد ومضاد للسموم فى الحمام وعصافير الزينة ليعيد حيوية ونشاط الحمام والعصافير ودى صوره الدواء وسعره 11 جنيه مصرى .
رابعا فينادون شراب بشرى
وده دواء لحالات البرد والكحه والتنفسي والحشرجه عند الحمام وعصافير الزينة ولا غنى عنه فى كل غية وده سعره 10 جنيه مصرى ودى صوره الدواء .
خامسا ديكال ب 12 بشرى
وده مكمل غذائى شامل وكالسيوم للحمام وعصافير الزينة حيث يمد الحمام والعصافير بالكالسيوم اللازم ويساعد على تكوين البيض وعنقود البيض داخل الاناث ودى صوره الدواء وسعره 6 جنيه مصرى.
سادسا زيت كبد الحوت بشرى
ده دواء يحتوى على اوميجا 3 مهم جدا للحمام وعصافير الزينة حيث يمد الطيور بالطاقه والحيوية والفيتامينات اللازمه لصحه الحمام وريش الحمام ولمعان ريش العصافير وحيويتها وده صورة الدواء وسعره 11 جنيه مصرى.
سابعا اميولانت شراب بشرى
وده دواء رافع مناعه للحمام وعصافير الزينة ولا غنى عنه فى كل غية ودى صوره الدواء وسعره 23 جنيه مصرى
ثامنا نصرومكتين 1 % بيطرى
وده دواء لعلاج الحشرات فى الحمام والعصافير وفى مكان التربية حيث يقضى على 100% من الحشرات وفعال جدا جدا ودى صوره الدواء وسعره 20 جنيه مصرى.
تاسعا الخميره الاقراص البشرى
الخميره مهمه جدا للحمام وعصافير الزينة لانها تقوى الطيور وتنشط الباكتيريا النافعه عند الحمام وعصافير الزينة ولا غنى عنها فى كل غية ودى صوره العلبه وسعرها 9 جنيه مصرى .
عاشرا برمنجنات البوتاسيوم بشرى
وهذه الماده نستخدمها فى تطهير السقايات والاكالات والارضيات من الباكتيريا والطفيلات ودى صوره الماده وسعرها 5 جنيه مصرى.
واخيرا فيتامين أ د 3 ه بيطرى مستورد + فيتامين ه سيلينيوم بيطرى مستورد
وهذه الادويه تساعد الحمام وعصافير الزينه على الخصوبه خاصا الذكور وتمد الاناث بالفيتامينات اللازمه لانتاج البيض .
وختاما ارجو المقاله تنال اعجابكم واترك لكم فيديو على قناتنا باليوتيوب يشرح كل هذه الادوية وايضا داخل المدونه سوف تجد مقاله خاصه لكل دواء من هذه الادوية يشرح طريقه الاستخدام بالتفصيل والى اللقاء فى مقاله اخرى وعنوان جديد .
تعليقات
إرسال تعليق