برمنجنات البوتاسيوم وتطهير السقايات واكالات الحمام وعصافير الزينة وبسعر رخيص جدا ومفعول قوى جدا
تطهير وتعقيم سقايات الحمام وعصافير الزينه امر مهم جدا جدا لكل مربى حمام وعصافير ويحد من انتشار الامراض بشكل كبير ويجب علينا كمربيين نطهر ونعقم دائما السقايات والاكالات بتاعه العصافير والحمام وفى هذه المقاله سوف نتعرف على ارخص ماده لتطهير وتعقيم سقايات الحمام وعصافير الزينة ونتائجها ممتازه بنسبه 100% ولا خوف على الحمام والعصافير من هذه الماده الا وهى برمنجنات البوتاسيوم .
اولا صوره الدواء
دى صور الدواء دواء بشرى هتروح اى صيدليه بشريه وتقوله عاوز علبه برمنجنات البوتاسيوم سعرها 5 جنيه مصرى هتجيب الزجاجه دى هيكون فيها بودره تزودها مياه وترجها كويس وبكدا اصبحت جاهزه .
طريقه الاستخدام للتطهير
هنجيب سطل مياه ونحط فيها عدد 2 غطاء من برمنجنات البوتاسيوم ونضع بداخل السطل السقايات والاكالات ونتركها لمده ربع ساعه ثم ندعكها جيدا ونشطفها بالماء الفاتر ونكرر هذه العمليه كل اسبوع مره واحده للحد من انتشار الامراض
الطريقه الثانيه للاستخدام
نضع برمنجنات البوتاسيوم ف بخاخه مياه ونرش بها الارضيات وادراج الزبل وبياضات الحمام وعصافير الزينة كل اسبوع مره
وبكده نكون عملنا عملية تطهير للسقايات والاكالات بكل سهول وفعاليه وبسعر رخيص وحدينا من انتشار الامراض لدى الحمام وعصافير الزينة
ملحوظه هامه
لو فيه مرض عند الحمام او العصافير يجب تطهير السقايات والاكالات ببرمنجنات البوتاسيوم يوميا حتى انتهاء المرض للحد من انتشاره فى القطيع ..
وختاما ارجو المقاله تنال اعجابكم واترك لكم فيديو على قناتنا على اليوتيوب فيه شرح وافى وكافى وشافى لطرق استخدام برمنجنات البوتاسيوم بطريقه عمليه امام حضراتكم ارجو متابعه المدونه والاشتراك بالقناه والى اللقاء ف مقاله اخرى.
تعليقات
إرسال تعليق