ان شاء الله هعرفك ازاى تحسب الاكل والشرب ومصاريف زوج الحمام اللاحم الفرنسي وحسبتنا هتكون على عدد 1 زوج حمام وانت بقه تبق تضرب ف العدد الى عندك وهذه الحسبه من واقع تجربه شخصية منى .
 |
| زوج حمام لاحم فرنسي |
السؤال كالاتى ماهى تكلفه عدد 1 زوج زغاليل حمام لحم فرنسي من اول البيضه حتى عمر الفطام ؟
مبدئيا هنقول انك اشتريت زوج حمام لاحم فرنسي شغال وقعد عندك 10 ايام ثم باض اول بيضين ثم رقد على البيض توسط 20 يوم حتى فقس الزغايل يبقى كدا قعد عندك 30 يوم هنحسب ن زوج الحمام بياكل 80 جرام من الكلفه يوميا فى 30 يوم يساوى 2.400 جرام يعنى 2 كيلو و400 جرام كلفه ف سعر كيلو كلفه فى مصر سوبر ب7 جنية يعنى كدا اكل ب17 جنيه كلفه حتى اول الفقس .
- بعد كدا فقس زغلولين هيقعدوا مع ابوهم وامهم 40 يوم حتى سن الاعتماد على النفس وفى هذه المده الحمام هيستهلك يوميا 80 جرام + 80 جرام للزغاليل يساوى 160 جرام ف 40 يوم يساوى 6.400 جرام يعنى 6 كيلو و400 جرام كلفه فى سعر الكيلو 7 جنيه يساوى 45 جنيه + ال17 جنية يساوى 62 جنيه ده سعر الاكل فقط .
- هنضيف على ال62 جنيه 15 جنيه تكلفه الفيتامين والتحديق والتحصين ..... الخ يساوى 77 جنيه هنقول 80 جنيه .
- بعد كدا هنحسب كمان ان فيه عدد نافق من الزغاليل وبيض بيتكسر يعنى هادر وكمان فيه شهور الحمام بيوقف فيها بيض وكل هذه المشاكل هنحطلها 20 جنيه كمان اصبح كدا ان تكلفه زوج الزغاليل من الحمام اللاحم الفرنسي 100 جنيه ودى التكلفه الفعليه .
السؤال التانى كالاتى لماذا مربيين الحمام اللاحم الفرنسي بيبيعوا الزغاليل بأكثر من سعر ؟
بكل بساطه عزيزى القارئ ده راجع لخبره المربى فى تربيته للحمام بمعنى ايه اننا هنضرب مثال لواحد بيربى عدد 50 زوج حمام وواحد بيربى برضو 50 زوج حمام ولاكن فيهم واحد بدون خبره وواحد عنده خبره الى بدون خبره بيفرخ من ال50 كل شهر 5 او 7 ازواج زغاليل اما الثانى الى عنده خبره بيقدر يفرخ منهم 20 زوج .
- وكدا نقدر نقول ان الى بيبيع بسعر مرتفع عاوز يغطى تكلفه مصاريفه اما الى بيبع بسعر منخفض نسبيا هو كدا كسبان ومرضى .
وختاما ده فيديو بتكلم فيه عن الموضوع ده بالتفصيل اتفرجوا عليه واى حد عنده سؤال يكلمنى بالتعليقات .
تعليقات
إرسال تعليق