كثير من الناس بيفكرو فى انشاء مشروع لتربية الحمام ولاكن مش عارفين هل المشروع ده مجذى وبيكسب ولا لا علشان كدا فى هذه المقاله هندردش معاك عن هذا المشروع ولاكن بدون تفاصيل كثيره ومعتمقه سنتركها ف مقاله اخرى اكثر تعمقا ولاكن اليوم سنعرض لك بعض الاشياء المهمه فى نظام سؤال وجواب عن هذا المشروع .
الاسئله الشائعه
1- هل مشروع تربية الحمام البلدى بيكسب ولا لا؟
نعم بيكسب ولاكن يجب ان يكون بكميات كبيره وتترك الحمام يطير ويرجع علشان مايخسركش فلوس اكل كتير
2 - انا مبتدء ومعرفش حاجه وعاوز اعمل مشروع الحمام؟
طالما مبتدء يبقى ماتعمل مشروع حمام كبير فى البدايه لازم تبدء بعدد قليل مثلا 10 ازواج او 20 بالكتير وابداء بالحمام البلدى واتعلم تربيه الحمام والامراض وكل حاجه وبعد ماتتعلم زود العدد
3 - كيف اسوق للانتاج؟
تسويق انتاجك من زغاليل الحمام بيكون على حسب المنطقه الى انت ساكن فيها بمعنى لو بتربى بلدى ممكن تعرض انتاجك على الفررجيه او محلات الطيور وممكن تسوق على مواقع التواصل الاجتماعى مثل فيس بوك على الجروبات الخاصه بالحمام
4 - انا مبتدء فى تربيه الحمام وعاوز اعمل مشروع حمام انواع غاليه ؟
نصيحه طالما مبتدء بلاش انواع غاليه اتعلم الاول فى نوع رخيص علشان ماتخسرش فلوسك
5 - متوسط المكسب الشهرى من تربيه 100 جوز حمام بلدى فى برج حمام كام؟
برج حمام يعنى اكل الحمام من بره مش من عندك ولو قولنا اقل حاجه ال100 جوز انجاهم الشهرى 40 جوز حمام زغاليل يبقى سعر الجوز 50 جنيه مصرى ف 40 جوز يساوى 2000 جنيه ودى اسعار شهر 3/2021 ولو قولنا هتشترى شويه كلفه كدا خفيفه ترميها ف ارضيه البرج كل يوم شويه علشان الحمام مايطفش منك يبقى ممكن 500 جنيه اكل فى الشهر لان الحمام بيطلع ياكل ويرجع يبقى الصافى 1500 جنيه فى الشهر وده اقل شئ
6 - عمل مشروع الحمام سايب فى غرفه افضل ولا سلاكات ؟
لو بلدى يبقى سايب اما لو نوع غالى اكيد اكيد السلاكات افضل بكتير
دى اشهر الاسئله الى جاتلى عن مشروع الحمام وف مقالات اخرى ان شاء الله سوف نتعمق ف مشروعات الحمام ونتكلم عنها بالتفصيل
تعليقات
إرسال تعليق