الفرق بين تربية الحمام فى السلاكات (محاكر الحمام) وبين تربية الحمام سايب

هنتكلم النهارده عن الفروقات المهمه بين التربيه السايبه والتربيه داخل السلاكات .

اولا التربيه السايبه 

1 - عدم الارهاق والتعب

2 - بتساعد الحمام الزغاليل على قوه العظام لان الحمام بيطير داخل الغرفه وده بيشد عظمه ويقويه

3 - بتساعد التربيه السايبه على حرق الدهون ونشاط الحمام وحيويته

عيوب التربية السايبه

1 - كسر البيض المستمر

2 - عدم تخصيب الدكره للاناث 

3 - عراك الذكره مع بعض

4 - انتشار الامراض وعدم السيتره عليها

5 - افتراس زغاليل الحمام من الاهالى 

6 - قله الانتاج مقارنه بالسلاكات

ثانيا تربية الحمام داخل السلاكات (محاكر الحمام)

1 - عدم كسر البيض

2 - قله انتشار الامراض

3 - تخصيب البيض بشكل سليم وسريع

4 - عدم افتراس الزغاليل 

5 - سهوله اكتشاف اى ذكر حمام مش شغال 

6 - سهوله اكتشاف اى انثي حمام قاطعه بيض

7 - سهوله التعامل مع الحمام المصاب بأى مرض وعلاجه فردى وبشكل جيد 

8 - زياده الانتاج

1 - التعب عند التنظيف

2 - التعب عند التأكيل

3 - عدم قوه زغاليل الحمام نظرا انهم داخل السلاكه ومافيش حركه ليهم 

4 - التكلفه الزائده فى سعر السلاكات

الخلاصه

لو حضرتك هتربى حمام غالى وعاوز الحمام بتاعك يكون دايما كويس وصحى ودايما تكون متابعه وعارف كل جوز اوله ايه واخره ايه وشغال ولا لا يبقى ربى فى سلاكات وطبعا لازم تعرف انها مكلفه شويه عن السايب ولاكن انت بتربى حمام غالى يبقى مش مهم اما تصرف شويه فى السلاكات .

طيب لو هتربى حمام بلدى او نوع رخيص وبكميات كبيره اوى يبقى افضل حاجه ليك هو التربيه السايبه فى غرف مغلقه لانك مش هتصرف كتير وبرضو هتلاقى نتيجه مرضيه .

وختاما ده فيديو بشرح فيه كل حاجه تخص الفرق بين التربيه السايبه والمغلقه شرح عملى وواقعى وعلى ارض الواقع .