اهم فوائد زيت كبد الحوت للحمام وكل انواع الطيور .

هنتكلم النهارده عن زيت كبد الحوت ومدى فعاليته للحمام والطيور وكيفيه الاستخدام وبيعالج ايه بالظبط لو حمامك قاطع بيض او بيبيض بيضه واحده او بيض غير مخصب يبقى لازم تديله زيت كبد الحوت ممتاز ممتاز ممتاز.

مقدمه عن هذا الدواء

زيت كبد الحوت هو عباره عن مجموعه من الفيتامينات الممتازه جدا لعلاج البيض الغير مخصب عند الحمام وعلاج الاناث الى بتبيض بيضه واحده والاناث الى قطعت بيض والدكره الى مش بتخصب البيض وكمان مهم جدا فى تكوين الجسم كونه يحتوى على احماض امينيه واحماض دهنيه مهمه جدا فى نمو الزغاليل ونمو الريش ولمعانه وبتخلى الحمام يطلع ريشه فى لمعه حلوه ومتناسق وغير مقصف .

انواع زيت كبد الحوت كتير جدا فيه منها الكبسولات اسمها اومجا3 وفيه منه الزيت زى الى فى الصوره ده وطبعا العلاج بشرى وانا بفضله لانه اسهل استخداما من الكبسولات وارخص سعرا ونفس الماده الفعاله بالظبط .

كيف استخدم زيت كبد الحوت؟

طريقه الاستخدام مباشر فى الفم  يتم سحب نصف سنتى من زيت كبد الحوت ثم يتم اعطائه لفرد الحمام فى الفم مباشر لمده 5 ايام فى حالات قطع البيض وعدم التخصيب مع عزل فرد الحمام عن باقي القطيع وف حالات تقصيف الريش يتم اعطائه لفرد الحمام كل اسبوع مرتين ورا بعض لمده شهر كامل  .

طريقه الاستخدام جماعى للحمام كله بيتم وضع مقدار 2 سنتى من زيت كبد الحوت على مقدار 2كيلو كلفه ويتم خلط الكلفه بالزيت جيد جدا جدا جدا حتى يتجانس الزيت مع الكلفه ثم يتم تقديمها للحمام كوقايه كل اسبوعين مره واحده فقط .

ملحوظه هامه :-

يجب ان تجوع الحمام كويس قبل اعطائه الكلفه المخلوطه بالزيت علشان الحمام ياكلها لان ريحه الزيت بتكون نفازه جدا وماينفعش اننا نضيف زيت كبد الحوت على الماء لانه مش هيخطلت بالمايه وكمان وانت بتقلب الكلفه الى فيها الزيت البس جوانتى علشان ايدك ماتتزفرش من ريحه الزيت .

بعض العناصر الموجوده فى علبه زيت كبد الحوت ويحتوى على عناصر اخرى كثيره جدا . 

وختاما ارجو ان المقاله تنال اعجابكم وهذا فيديو به كل ما يخص الدواء شرح عملى وارجو تقييمنا لمزيد من المقالات والمواضيع التى تخص تربية الحمام وعصافير الزينة.