كيف تعرف انثى الحمام اذا كانت خلاص عليها البيضه ولا لا بأبسط طريقه

كتير من مربيين الحمام المبتدئين مايقدروش يعرفوا النتايه عليها البيضه وخلاص هتبيض ولا لا علشان كدا فى المقاله دى هعرفك ازاى الطيره عليها البيضه وازاى خلاص هتبيض .

اولا فيه شروط لازم تتوافر فى جوز الحمام تعالى نعرف ايه هى الشروط دى الاول

1 - لازم جوز الحمام يكون سنه كبير وخلاص جاهز انه يشتغل

2 - لازم جوز الحمام يكون متوالف على بعضه 

3 - لازم تكون حاطتلهم طاجن علشان يبيضو فيه 

ازاى تعرف بقه ان خلاص النتايه هتبيض ؟

1 - هتحط ايدك على فاتحه المخرج عند النتايه هتلاقى الشوكتين موسعين جدا عن بعض غير المعتاد

2 - هتلاقى دايما الانثى راقده فى الطاجن 

3 - لو مشيت ايدك براحه خالص من تحت عند الشوكتين كدا هتحس بالبيضه تحت ايدك بس دى عاوزه خبره شويه

4 - الاهم بقه انك هتلاقى النتايه من عند الديل بتاعها كدا هتلاقي الديل نازل لتحت وفيه زى مطب كدا عند الديل زى ماهو واضح فى الصوره فوق انا محدد دايره حول الديل كدا ده اكبر اثبات ان خلاص النتايه دى هتبيض فى خلال 3 او 4 ايام بالكتير 

اعمل ايه اما النتايه تبيض البيضه الاولى ؟

1 - تديها حبايه كالسيوم فى الفم مباشر علشان تكوون البيضه التانيه بقشره قويه وده رابط الموضوع الى بيخص الكالسيوم ادخل هنا واقراء الموضوع هتستفاد وكمان هتلاقى اسم الدواء وكل شئ يخص الكالسيوم للحمام .

2 - لازم طاجن البيض يكون مفروش اما تحديق او رمل او قش وهنا هتلاقى مقاله كامله عن التحديق وفوائده للحمام ومعناه وكل شئ ادخل اقراه . 

3 - اول ماتبيض البيضه التانيه وترقد تحضن لازم تسجل عندك معاد رقد البيض او تحضينه علشان ماتهوش بعد كدا .

وختاما ده فيديو شرح عملى لمعرفه الانثى الى خلاص هتبيض وازاى اى مبتدء يقدر يعرف .