مربيين كتير جدا جدا بيشتكوا من مشكله فى اللوفت بتاعهم الا وهى فقس زغلول قبل اخوه ووجود زغلول كبير والاخر صغير فى هذه المقاله سوف نعلمكم كيف تتخلص من هذه المشكله بطرق عديده وخبره كبيره فى مجال تربية الحمام .
لماذا نواجه مشكله زغلول كبير وزغلول صغير ؟
بكل بساطه لان انثى الحمام بتضع عدد 1 بيضه وترقد عليها وبعد يومين بتضع البيضه الثانيه وبالتالى بيكون فيه فرق يومين عند فقس الزغاليل وبكدا الزغلول الى بيفقس الاول بيحصل على اكبر كميه من الغذاء من الاب والام وعلشان كدا بيكون اكبر من اخوه الى فقس بعده بيومين .
حل مشكله زغلول كبير وزغلول صغير بكل بساطه :-
الحل الاول بيتم سحب البيضه الاولى من تحت انثي الحمام واستبدالها ببيضه من البلاستيك وبعد وضع البيضه الثانيه يتم سحب البيضه البلاستيك واستبدالها بالبيضه الاولى وبكدا نكون ضحكنا على الحمامه وخلينها تحضن البيض ف وقت واحد وكدا هيفقسو فى نفس اليوم وهتتحل المشكله
الحل الثانى لو عندك اعداد حمام كثيره بتسيب الحمام يبيض ويرقد ويفقس وبعد كدا بيتم عمل استبدال للزغاليل الصغيره تروح مع الصغيره والكبيره تحطها مع الكبيره وهذه الحاله ناجحه جدا فى مزارع الحمام الكبيره .
الحل الثالث هو بعد فقس الحمام وعند اطعام الحمام بيتم سحب الزغلول الكبير من قبل المربى واعطاء فرصه لانثي وذكر الحمام بأطعام الزغلول الصغير ثم بعد ذالك يتم ارجاع الزغلول الكبير مكانه.
وختاما هترك لكم فيديو يشرح كل شئ عملى عن هذه المشكله وحلها على الطبيعه .
تعليقات
إرسال تعليق