اذا كنت من مربى الحمام وتبحث عن علاج مرض الكنكر فى الحمام اقراء هذه المقاله وسوف تستفاد جدا
تعريف مرض الكنكر فى الحمام
مرض الكنكر هو مرض طفيلى بيكون تجبنات في حلق فرد الحمام من الداخل وبيكون لونها اصفر وبتتكون نتيجه الاكل الملوث والعلف الملوث والدره الصفراء الملوثه والكلفه الناعمه التى تحتوى على بودره وبيظهر المرض على الحمام الكبير والزغاليل ابضا
اعراض مرض الكنكر فى الحمام
بتلاقي فرد الحمام فاتح فمه ولو فتحت وبصيت داخل الفم هتلاقي تجبنات لونها صفراء ماسكه في حلق الفم وطبعا مع الكششان والامتناع عن الاكل وعلى طول هتلاقيه فاتح فمه ولون زبله الحمام المصاب بالكنكر بتكون صفراء وهنا يجب على المربى عزل فرد الحمام المصاب بالكنكر فورا فى مكان خارج غرفه التربيه وتطهير مكان التربيه جيدا والارضيات والمساقى والعلافات بمطهر زى ديتول او كلور والتدخل السريع لعلاج المريض بالكنكر قبل تطور الحاله
علاج مرض الكنكر فى الحمام
١ - يجب عزل فرد الحمام عن القطيع
٢- يجب تنظيف الفم والحلق من التجبنات الصفراء وازالتها باستخدام سلاكه الاذن او نكاشه الاذن او قطعه من القطن
٣- الذهاب الى صيدليه بيطريه وشراء عبوه علاج كان كيل بلص 40% وصوره العلاج اعلى الصفحه👆 وهذا اقوى علاج
لمرض الكنكر فى الحمام بلا منازع
الطريقه الصحيحه لاستخدام علاج كان كيل بلص 40%
اولا فى حاله المرض الفردى
تستخدم ربع معلقه صغيره من بودر كان كيل بلص 40% على 5 سنتى مياه ثم تذوبهم جيدا ثم تعطيهم لفرد الحمام المريض بواسطه سرنجه فى الفم مباشرا يوميا ولمده 5 ايام مع مراعه تنظيف الفم من التجبنات الصفراء قبل اعطاء العلاج فى كل مره
ثانيا العلاج الجماعى
تستخدم 1 جرام او ما يعادل ملئ معلقه شاى صغيره ممسوحه من بودره كان كيل بلص 40% على 3 لتر من ماء الشرب واعطاءه للحمام يوميا لمده 5 ايام على عطش
للوقايه من مرض الكنكر فى الحمام
تستخدم 1 جرام او مايعادل ملئ معلقه شاى صغيره ممسوحه من كان كيل بلص 40% على 3 لتر من ماء الشرب واعطاءه للحمام لمده 3 ايام فقط على عطش كل 2 شهر كوقايه من مرض الكنكر
وهذا رابط حلقه كامله لعلاج مرض الكنكر بالتفصيل والشرح العملى رابط الحلقه هنا
لا تنسي الاشتراك بقناه اليوتيوب فن تربية الحمام من هنا
تعليقات
إرسال تعليق