السلام عليكم ورحمه الله وبركاته
 | ||||
| صوره من احد غرف المزرعه النوع حمام لاحم فرنسي |
أ ب تربية حمام لكل المبتدئين لازم تعرف الحاجات دى لو انت مقبل على تربيه الحمام او بتربى فعلا
علشان تحافظ على حمامك من الامراض ويكون الحمام صحته ممتازه وكويسه دايما لازم تعمل الاتى:-
١ لازم تكلف للحمام الكلفه كل ٢٤ ساعه مره واحده فقط يوميا في ميعاد ثابت لمده نصف ساعه وتقشط باقي الكلفه تقشط يعنى تشيل باقى الاكل
ليه احنا مش بنسيب الاكل عند الحمام طول اليوم؟
لانك لو سيبت الاكل طول اليوم قدام الحمام هيتمرقع ومش هياكل وهيزبل على الاكل وبعد كدا يرجع ياكل الاكل بالزبله ويجيله امراض معويه وتدخل في دوامه
٢ لازم تهتم بتغيير المياه يوميا للحمام مع نظافه السقايات من المياه القديمه بإستخدام اسفنجه ومطهر زى الديتول او الكلور
ليه بنعمل كدا ؟
علشان نحافظ دائما على المياه الى الحمام بيشربها وتكون نظيفه وغير ملوثه لانك لو سيبت المياه عند الحمام يومين تلاته بدون ماتغيرها هيتكون ريم اخضر في السقايه وهتلوث معده الحمام ويجيله امراض معويه
طيب ايه الامراض الى بتبجى للحمام لو سيبنا الاكل والمياه على طول قدامهم؟
١ سالمونيلا معويه ودى خطيره جدا جدا ومرض فتاك
٢ كنكر حويصلى وبرضو خطير جدا جدا
٣ كوكسيديا وده مرض في غايه الخطوره
٤ ديدان معويه
يبقى احنا نتجنب كل الامراض دى ونهتم بحمامنا اتمنى يكون الموضوع اعجبكم اترك تعليق بناء اشوفكم فى مقاله جديده
تعليقات
إرسال تعليق