اذا كنت مربى حمام وتبحث عن حل نهائي لمشكله الحشرات التى تجدها فى الحمام ولا تعرف كيف تتخلص منها اقراء هذه المقاله عن كيفيه قتل جميع الحشرات فى الحمام بشكل امن جدا ومجرب
طبعا كلنا بياقبلنا مشكله الحشرات وبنبقى عاوزين نتخلص منها بأى شكل انا بقه جبتلكم الحل النهائي والامن على الحمام وهو ايفرمكتين ١% علاج بيطرى فيه منه علبه ١٠٠ مل وهى الى معانا في الصوره فوق 👆وفيه حجم اصغر ٥٠ مل هتشترى الافرومكتين 1 % ده وسرجه ٥ سنتى
طريقه استخدام افرومكتين 1% للحمام الجماعى:-
ركز معايا وماتوهش منى هتجيب طشط بلاستيك وتملى ربعه فقط مش اكتر من كدا علشان الحمام يعرف ينزل ويقف فيه براحته وتسحب بالسرنجه ال٥ سنتى ٢ سنتى من العلاج ده وتفضيه على المايه وتكنس العشه بتاعتك كويس جدا ووقت الظهر ركز معايا تانى بقول وقت الظهر تحط طشط المايه للحمام علشان يستحمى وماتخفش لو حتى شرب من المايه ماتقلقش 😁😁 ولو فيه زغاليل او بيض برضو ماتقلقش 😁😁🥰 وبعد مايخلص حمى ترش المايه دى في الارض كلها وفي الاركان
طريقه استخدام افرومكتين 1% للحمام الفردى
هنا بقه عاوزك تطقطقلى ودانك كويس اوى اوى 😁😁👌 هتجيب قطاره فاضيه بتاعت قطره وتسحب بالسرنجه الافرومكتين 1 % وتفضيه في القطاره وهتمسك فرد الحمام تفرد جناحه وتوسع الريش لحد ما لحم الجناح يبان معاك وتنقط نفطتين اتنين على اللحم وتدعك بصباعك كويس الافرومكتين 1 % والجناح التانى نفس الكلام واسفل الذيل نفس الكلام والرقبه نفس الكلام اهم حاجه توسع الريش وتنقط الافرومكتين 1 % على اللحم وتدعك بصباعك وشكرا وانسي حاجه اسمها حشرات
طيب لو عندك حشرات فى مكان التربية ايه الحل؟
هتجيب بخاخه مايه واحد لتر وتسحب بالسرنجه ٣ سنتى من الافرومكتين 1 % وتحطها في البخاخه وترش العشوش والسلاكه والخشب والاسطل والصفايح وكل حاجه واى حاجه عندك ترشها وركز معايا وبكدا اضمنلك ان شاء الله انك تنسي الحشرات تماما
تعليقات
إرسال تعليق